حنين

وحشني لون ارض الشوارع
وحشني صوت الاتوبيسات
لعب العيال جوه الحواري
والغسيل في البلكونات
وشخطه من راجل عجوز
...لما نعاكس في البنات
وقعده علي القهوه سوا
طاوله وشيشه وحاجه سقعه
وسهره مليانه حكايات
ودعوه حلوه من ابويا
وجلجله ضحكه اخويا
وحب امي وحضنها
لما بترقيني بآيات
لما بتمسح دمعتي
واما تتوه ويا ابتسامتها الآهات
وحشني طعم الشمعدان
والسامبا والموز ابو الوان
وساندوتش الفول محوج
مع قرن فلفل وبتنجان
وحاجه سقعه مشبره
وكلمتين حب وحنان
ونظره من عينك لعيني
ياما نفسي تيجي وتحضنيني
اشكي همومي وتسمعيني
لكن فين انت وفيني
!!!!!