ليه البنت احسن من الولد !!!

(1)لو البنت زعلت مع باباها مش حيطردها هما شخطتين وقلم خفيف عشان البنت عضمها طرى
اما الولد:: هاتك شلاليت وضرب ويطرده من البيت وعينك متشوف الا النور ويدوبك يلحق مكان ينام حنب البواب :D

(2)لو البنت سقطت اخر السنة تروح تعيط لمامتها شويه ومامتها تقولها معلش خيرها فى غيرها البنت مسيرها لبيت جوزها
اما الولد :: يا تعبى يا خسارة تربيتى فيك.. انت من بكره تنزل تشتغل مع الاسطى بليه الميكانيكى تعمل بلوقمتك :D

(3) لو حرامى دخل الشقة الاب والام يدخلوا على البنات ويطبطبوا عليهم متخافوش
اما الولد :: الاب يمسكه يضربه ويقوله مانا لو كان عندى راجل مكنش حد دخل البيت لكن الكل عارف ان انا عندى سوسن يا ...... :D

(4) لو حصل خناقة فى المنطقة البنات تقعد تتفرج من الشبابيك
اما الولاد :: اللى يشد كزلك واللى يشد جنزير واللى نبوت ويرجعوا الكزلك فى بطنه والنبوت مضروب بى على ودانه والجنزير على قفاه . :D

(5) والا لو بنت طلبت حاجه مافيش وجه معارضه خالص طلباتك أوامر اما الولد بابا انا .. انت ايه يا حيوان ... انا عاوز ... وكمان بتقولها فى وشي يا كلب ... يابابا انا بحبك ... ثبنتى ياالا ... طبعا الولد بينسى هو كان عاوز ايه ...

(6) لو الحرب قامت البنت تقعد تتفرج على الاحداث على قناة الجزيرة وتأزأز لب وسودانى وتقلب شويه على قناة ميلودى وروتانا
اما الولد ...يرجع ومعاه الالى وودنه مقطوعه وفاقد الذاكرة وشايل رجله على كتافه ويشوف باباه يقول امال فين اخواتى يا ماما :D

وفى الاخر بيقولك مجتمع ذكورى ....




منقول