مريم

مريم اسم طفلة فلسطينية
كان ميلادها فى المخيم
يوم 11 من يناير

مش مهم فى أى عام
...
و اما بدأت فى الكلام
كانت الايام آلام
و الليالى زى بعض
فى انتظار و سكوت و برد
الصغار كرهوا الخيام
و اللى سارقين السلام

جريت الوردة البريئة
بس سور السلك حاشها
جرّح الفستان خدشها
نقطة سالت من دماها
دمعة نطت فوق خدودها
فيها معنى الاحتجاج
فيها معنى الاحتياج
كان فى عينها شىء بيسأل

وطنى فين؟؟؟

وطنى فين؟؟؟

الطفولة مش طفولة فى المخيم
الصغار ما بيضحكوش
الصغار ما بيلعبوش
مولودين و الشعر شايب
ما بين قضية و بندقية
و القضية هى هى

ان مريم

مريم اسم طفلة فلسطينية
كان ميلادها فى المخيم
يوم 11 من يناير
مش مهم فى اى عام